Eina tilboðið frá Icelandair langt yfir áætlun
- Ritstjóri
- Feb 26
- 1 min read
Eitt tilboð barst í útboði Vegagerðarinnar fyrir áætlunarflug milli Ísafjarðar og Reykjavíkur. Tilboðið kom frá Icelandair og er verulega yfir kostnaðaráætlun verkkaupa. Samkvæmt opnunarskýrslu, sem birt var á heimasíðu Vegagerðarinnar, var áætlaður verktakakostnaður 1,341 milljarðar króna en tilboð Icelandair nemur 3,527 milljörðum króna, sem er um 2,2 milljörðum yfir áætlun.
Útboðið var auglýst á Evrópska efnahagssvæðinu í janúar og frestur til að skila inn tilboðum rann út á þriðjudaginn. Um var að ræða sérleyfissamning sem fól í sér rekstur á áætlunarflugi milli Reykjavíkur og Ísafjarðar.
Fjallað var um málið í frétt Vísis í dag og kom þar fram að Vegagerðin væri að skoða málið og verið væri að fara yfir tilboðið og Vegagerðin gæti ekki tjáð sig nánar um málið að svo stöddu.
